ಅಪ್ಪ ಅಮ್ಮನಿಲ್ಲದೇ ಚಿಕ್ಕಂದಿನಲ್ಲೇ ಅನಾಥನಾದ ಬಾಲಕನ ಜೀವನಕ್ಕೆ ಸಹಾಯದ ಕೈ ಚಾಚಿದ ಮಹಿಳೆ, ತನ್ನದೇ ಮಗನಂತೆ ಆತನನ್ನು ಸಾಕಿ ಸಲಹುತ್ತಿದ್ದಳು. ತಾಯಿಯ ಮಮತೆ ಕೊರೆಯದಂತೆ ಪ್ರೀತಿಯಿಂದ ಜೋಪಾನ ಮಾಡುತ್ತಿದ್ದಳು. ಕೇವಲ ಆಹಾರ, ಬಟ್ಟೆ, ಆಶ್ರಯ ನೀಡುವುದಲ್ಲದೆ, ಆಕೆಯೇ ಶಾಲೆಗೆ ಕಳಿಸಿ ವಿದ್ಯಾಭ್ಯಾಸ ಮಾಡಿಸಬೇಕು ಎಂದು ಮುಂದಾಗಿದ್ದಳು. ಒಬ್ಬ ತಾಯಿ ತನ್ನ ಮಗನಿಗಾಗಿ ತೋರಿಸುವಷ್ಟು ಕಾಳಜಿ, ಅಕ್ಕರೆ, ಪ್ರೀತಿ, ಆರೈಕೆಯನ್ನು ತೋರಿಸುತ್ತಿದ್ದಳು. ಅಮ್ಮನಿಲ್ಲದ ನೋವನ್ನು ನೀಗಿಸಲು ತಾನೇ ತಾಯಿಯಾಗಿ ಆತನ ಜೀವನದಲ್ಲಿ ಅಳವಡಿಸಿಕೊಂಡಿದ್ದಳು.
ಆದರೆ, 17 ವರ್ಷ ವಯಸ್ಸು ತಲುಪಿದ ಆ ಬಾಲಕನ ಮನಸ್ಸು ವಿಭಿನ್ನ ದಿಕ್ಕಿಗೆ ತಿರುಗಿತು. ತಾಯಿಯಂತೆ ನೋಡಿಕೊಂಡು ಸಾಕಿದ ಆಕೆಯ ಮೇಲೆಯೇ ಅವನು ದುರಾಸೆ ತೋರಿದ. ತನ್ನ ಮೇಲೆ ಕಾಳಜಿ ತೋರಿದ್ದ ಮಹಿಳೆಯನ್ನೇ ಕಾಮದ ದಾಹದಿಂದ ಅತ್ಯಾಚಾರ ಎಸಗಿ ಬಳಿಕ ನಿರ್ದಯವಾಗಿ ಕೊಲೆಮಾಡಿದ ಎಂಬ ಭೀಕರ ಸತ್ಯವನ್ನು ಪೊಲೀಸರು ಬಯಲಿಗೆಳೆದಿದ್ದಾರೆ.
ಈ ಘಟನೆ ಹಾಸನ ಜಿಲ್ಲೆಯ ಅರಸೀಕೆರೆ ತಾಲ್ಲೂಕಿನ ಜಾವಗಲ್ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿರುವ ಬಾಳೆ ತೋಟದಲ್ಲಿ ನಡೆದಿದೆ. ಸೆಪ್ಟೆಂಬರ್ 15ರಂದು ಸಂಜೆ, ಕೂಲಿ ಕೆಲಸಕ್ಕೆ ಹೋದ 45 ವರ್ಷದ ಮಹಿಳೆ ಮನೆಗೆ ಮರಳದೇ ಇದ್ದಾಗ ಗ್ರಾಮಸ್ಥರಲ್ಲಿ ಆತಂಕ ಶುರುವಾಯಿತು. ಆಕೆಯ ಮೊಬೈಲ್ ಕೂಡ ಸ್ವಿಚ್ ಆಫ್ ಆಗಿದ್ದರಿಂದ ಪರಿಸ್ಥಿತಿ ಇನ್ನಷ್ಟು ಅನುಮಾನಾಸ್ಪದವಾಗಿ ತೋರಿತು. ಮರುದಿನ, ಸಮೀಪದ ಬಾಳೆತೋಟದಲ್ಲಿ ಆಕೆಯ ಶವ ಪತ್ತೆಯಾಯಿತು. ಶವದ ಮೇಲೆ ಕಂಡ ಗಾಯದ ಗುರುತುಗಳು ಸಹಜ ಮರಣವಲ್ಲವೆಂಬ ಶಂಕೆ ಹುಟ್ಟಿಸಿತು.
ಜಾವಗಲ್ ಪೊಲೀಸರು ಪ್ರಕರಣವನ್ನು ಅನುಮಾನಾಸ್ಪದ ಸಾವು ಎಂದು ದಾಖಲಿಸಿ ತನಿಖೆ ಆರಂಭಿಸಿದರು. ಈ ವೇಳೆ, ಗ್ರಾಮಸ್ಥರೊಬ್ಬರು ಮೃತ ಮಹಿಳೆ ಮತ್ತು ಆಕೆ ಸಾಕಿಕೊಂಡಿದ್ದ ಅಪ್ರಾಪ್ತ ಬಾಲಕ ನಡುವೆ ಕೆಲವೊಮ್ಮೆ ಜಗಳವಾಡುತ್ತಿದ್ದರೆಂಬ ಮಾಹಿತಿ ನೀಡಿದರು. ಅದನ್ನೇ ಆಧಾರ ಮಾಡಿಕೊಂಡು ಪೊಲೀಸರು ಆಳವಾದ ತನಿಖೆ ನಡೆಸಿದಾಗ ಬೆಚ್ಚಿಬೀಳಿಸುವ ಸಂಗತಿ ಬೆಳಕಿಗೆ ಬಂತು.
17 ವರ್ಷಗಳ ಹಿಂದೆ, ಪಕ್ಕದೂರಿನ ಒಬ್ಬರು ತಂದಿದ್ದ ಅನಾಥ ಮಗುವನ್ನು ಸಾಕಲು ಮುಂದಾದಾಗ, ಅಂದೇ ಈ ಮಹಿಳೆ ಆತನಿಗೆ ತಾಯಿಯಂತೆ ನಡೆದುಕೊಂಡು, ಮನೆಗೆ ಕರೆದುಕೊಂಡು ಹೋಗಿ ಮಮತೆಯಿಂದ ಸಾಕಿದಳು. ಮಗನನ್ನು ಶಾಲೆಗೆ ಕಳಿಸುವುದು, ಕೈತುತ್ತು ನೀಡುವುದು, ಆರೋಗ್ಯ ನೋಡಿಕೊಳ್ಳುವುದು, ಎಲ್ಲವನ್ನೂ ಆಕೆ ತಾನೇ ನೋಡಿಕೊಂಡಿದ್ದಳು. ಗಂಡ ಇಲ್ಲದ ಕಾರಣ ಜೀವನವನ್ನು ತಾನೇ ಹೊತ್ತೊಯ್ದು ಹೋರಾಟ ನಡೆಸುತ್ತಿದ್ದರೂ ಮಗನಿಗೆ ಒಂದು ಮನೆ ಕಟ್ಟಬೇಕೆಂಬ ಕನಸು ಕಾಣುತ್ತಿದ್ದಳು.
ಆದರೆ, ಆಕೆಯ ಅಕ್ಕರೆಯನ್ನೇ ಮರೆತು, ಅವಳನ್ನು ಮಗನಂತೆ ಕಾಣದೇ, ಕಾಮುಕ ದೃಷ್ಟಿಯಿಂದ ಕಂಡ ಆ 17 ವರ್ಷದ ಬಾಲಕ ಸೆಪ್ಟೆಂಬರ್ 15ರ ಸಂಜೆ ಏಕಾಂಗಿಯಾಗಿ ಸಿಕ್ಕ ಸಂದರ್ಭದಲ್ಲಿ ಆಕೆಯ ಮೇಲೆ ದಾಳಿ ನಡೆಸಿದ. ಆಕೆ ಕಿರುಚಿದ್ರೂ ಬಿಡದೆ, ಅವಳನ್ನು ಬಲವಂತವಾಗಿ ಹಿಡಿದು ಪೈಶಾಚಿಕ ಕೃತ್ಯ ಎಸಗಿ, ಬಳಿಕ ಬರ್ಬರವಾಗಿ ಕೊಲೆಮಾಡಿದ. ಕೊಲೆಯ ನಂತರವೂ ನಿರ್ಲಜ್ಜತನ ಮುಂದುವರಿಸಿ, ಆಕೆಯ ಮೊಬೈಲ್‌ಗೆ ತನ್ನ ಸಿಮ್ ಹಾಕಿಕೊಂಡು ಆರಾಮವಾಗಿ ಜೀವನ ನಡೆಸುತ್ತಿದ್ದ.
ಆದರೆ ಪೊಲೀಸರು ಸೂಕ್ಷ್ಮ ತನಿಖೆಯಿಂದ ಅವನ ಚತುರ ಆಟವನ್ನೇ ಪತ್ತೆಹಚ್ಚಿ ಬಂಧಿಸಿದರು. ವಿಚಾರಣೆಯಲ್ಲಿ ಅವನ ಕಾಮದಾಸೆ ಹಾಗೂ ದುರಾಸೆಯ ಸತ್ಯ ಬೆಳಕಿಗೆ ಬಂತು. ಈ ಘಟನೆ ಊರನ್ನು ಬೆಚ್ಚಿಬೀಳಿಸುವಷ್ಟು ಕ್ರೂರಿಯಾಗಿದೆ.
ಗ್ರಾಮಸ್ಥರು ಈ ಕೃತ್ಯದಲ್ಲಿ ಬಾಲಕನೊಬ್ಬನೇ ಅಲ್ಲ, ಯಾರಾದರೂ ಸಹಾಯ ಮಾಡಿರಬಹುದೆಂದು ಶಂಕೆ ವ್ಯಕ್ತಪಡಿಸಿ, ಸಂಪೂರ್ಣ ತನಿಖೆ ನಡೆಸಬೇಕು ಎಂದು ಒತ್ತಾಯಿಸಿದ್ದಾರೆ. ಅವರು ಆರೋಪಿಗೆ ಕಠಿಣ ಶಿಕ್ಷೆ ನೀಡಿ ಇಂತಹ ದುರಾಚಾರಗಳಿಗೆ ಸಮಾಜದಲ್ಲಿ ಸ್ಥಳವಿಲ್ಲ ಎಂಬುದನ್ನು ಸಾಬೀತುಪಡಿಸಬೇಕೆಂದು ಆಗ್ರಹಿಸುತ್ತಿದ್ದಾರೆ.
